050 திரு ஊரகம் Thiru uragam

அம்ருதவல்லி தாயார் ஸமேத உலகளந்தபெருமாள் திருவடிகள் போற்றி போற்றி

கோவில் பற்றி

கச்சி ஊரகத்தாய் என்று திருமங்கையாழ்வாரால் மங்களாசாசனம் செய்யப்பட்ட இந்த “ஊரகம்” என்னும் திவ்யதேசம் காஞ்சி நகரத்திற்குள்ளேயே உள்ளது.

பாதாள லோகத்தில் இருந்த மகாபலிக்கு உலகளந்த திருக்கோலத்தை எம்பெருமான் ஆதிசேஷனாகவே காட்சியளித்தார். இந்த இடம் பேரகம் எனப்படும். இங்கு எம்பெருமான் சர்ப்ப ரூபமாகவே காட்சியளிக்கிறார். சன்னதிக்கு எதிரில் உள்ள கொடிமரத்திற்கு அருகே இந்த சர்ப்ப ரூபம் உள்ளது. உரகம் என்பது பாம்பைக் குறிக்கும். இந்த ஆதிசேஷனுக்கு பாயசம் (திருக்கண்ணமுது) விஷேசம்.

இங்கு உலகளந்த பெருமாள், தனது வலது திருப்பாதத்தினை பூமியில் அழுத்தி வைத்துக்கொண்டு, இரண்டு கரங்களை நீட்டி தனது இடது காலை விண்ணோக்கித் தூக்கிய திருக்கோலத்தில் சேவை சாதிக்கிறார்.  இடதுகரத்தில் இரண்டு விரல்களையும், வலது கரத்தில் ஒரு விரலையும் உயர்த்திக் காட்டி எழுந்தருளியுள்ளார். இடது திருக்கரத்தின் இரண்டு
விரல்களை உயர்த்தியதால் ஈரடியால் மண்ணும் விண்ணும் அளந்ததையும் வலது திருக்கரத்தில் ஒருவிரலை உயர்த்தி மீதி ஓரடியை எங்கே வைப்பது என்று மகாபலியிடம் கேட்டதாக இதற்கு ஆன்றோர் பொருள் கூறுவர்.

ஸ்தல வரலாறு

வாமன வடிவம் கொண்டு மகாபலியிடம் மூன்றடி மண் வேண்டிய எம்பெருமான் த்ரிவிக்ரம அவதாரம் எடுத்து மகாபலிச் சக்ரவர்த்தியை பாதாளத்திற்கு அனுப்பினான். பாதாளம் சென்ற மாகபலிக்கு, உலகளந்த த்ரிவிக்ரமனின் நின்ற திருக்கோலத்தை முழுமையாக தரிசிக்க முடியவில்லையே, என்று வருந்தி, அந்த அவதார தரிசனத்தை எம்பெருமானிடம் காட்டி அருள வேண்டும் என்று பாதாள லோகத்திலேயே தவமிருக்க, அந்த தவத்திற்கு பலனாக இந்த காஞ்சியில் மகாபலிச் சக்ரவர்த்திக்கு உலகளந்த திருக்கோலத்தை காட்டிக் கொடுத்த ஸ்தலமே ஊரகம்,

ஆழ்வார்

ஊரகம், பேரகம் இரண்டும் சேர்ந்து ஒரு திவ்ய தேசம் தான் “மதில் கச்சி யூரகமே பேரகமே” என்பது
சிறிய திருமடலில் திருமங்கையாழ்வாரின் மங்களாசாசனம்.

நம்மாழ்வாரின் ” நின்றவாறும் இருந்தாவறும் கிடந்தவாறும் ” (திருவாய்மொழி, 5.10.6) என்ற பாசுரம் இந்த திவ்யதேசத்திற்கு இல்லை. நம்பிள்ளை என்ற ஆச்சாரியார் ஈடு என்ற விளக்கத்தில், நின்றவாறும்  என்பதற்கு திருவூரகத்தில் நின்றபடி என்று சொல்லி உள்ளார் என்பதை படித்து ரசிக்கலாம்.

ஊரகம், நீரகம், காரகம், கார்வானம் என்று ஒரே இடத்தில இன்று இருக்கும் நான்கு திவ்ய தேசத்து எம்பெருமான்களையும் சேர்த்து திருமங்கையாழ்வார் திருநெடுந்தாண்டகத்தில் ஒரே பாசுரத்தில் (8) மங்களாசாசனம் செய்துள்ளார்.

Google Map

திரு ஊரகம் பற்றி ஸ்ரீ வேளுக்குடி ஸ்வாமிகள்

திரு ஊரகம் பற்றி தினம் ஒரு திவ்யதேசம் சொல்வது